Mobile Me Achanak Ads Aana Band Kaise Kare

Achanak Ads Aana Band ho jata hai bahut se Android users ko ek common problem face karni padti hai — mobile me achanak ads aana. Kabhi screen unlock karte hi ads aa jate hain, kabhi game khelte waqt, aur kabhi bina kisi app ko open kiye bhi pop-up ads dikhne lagte hain. Ye ads bahut irritating hote hain aur mobile ki speed bhi slow kar dete hain. Kai baar unknown apps ya browser notifications ki wajah se ye problem hoti hai. Agar aap bhi pareshan hain aur jana chahte hain ki mobile me achanak ads aana band kaise kare, to is article ko dhyan se padhiye.

Mobile Me Ads Kyu Aate Hain?

Mobile me ads aane ke kai reasons ho sakte hain:

• Unknown apps install hona

• Browser notifications ON hona

• Fake cleaner ya booster apps

• Malware ya adware virus

• Third-party APK files install karna

• Free apps me zyada advertisements

Jab hum kisi unknown website se app install karte hain ya kisi fake link par click kar dete hain, tab mobile me adware aa jata hai jo baar-baar ads dikhata hai.

Suspicious Apps Ko Uninstall Kare

Sabse pehle aapko check karna hai ki mobile me koi unknown app to install nahi hai.

Kaise Check Kare:

1. Mobile ki Settings open kare

2. Apps ya Manage Apps par jaye

3. Recently installed apps dekhe

4. Jo app aapne install nahi kiya ya suspicious lage use uninstall kar de

Kai baar flashlight, cleaner, battery saver aur wallpaper apps bahut ads dikhate hain. In apps ko remove karne se problem solve ho sakti hai.

Chrome Browser Se Ads Band Kare

Agar ads browser open karte hi aate hain to Chrome settings change karni hogi.

Chrome Me Pop-up Ads Band Karne Ka Tarika:

1. Chrome browser open kare

2. Upar 3 dots par click kare

3. Settings me jaye

4. Site Settings open kare

5. Pop-ups and redirects option OFF kare

6. Notifications option me jaakar unknown websites ko block kare

Isse browser me aane wale unwanted ads band ho jayenge.

Unknown Notifications Ko Disable Kare

Kai websites notification permission le leti hain aur baad me ads bhejna start kar deti hain.

Notification Band Karne Ka Tarika:

1. Chrome Settings open kare

2. Notifications option par jaye

3. Unknown websites ko remove ya block kare

Aisa karne se screen par aane wale unwanted advertisement notifications band ho jayenge.

“Display Over Other Apps” Permission Band Kare

Kuch apps mobile screen ke upar ads show karte hain. Is permission ko band karna bahut zaruri hai.

Kaise Band Kare:

1. Settings open kare

2. Apps section me jaye

3. Special App Access ya Special Permission open kare

4. Display Over Other Apps option par click kare

5. Unknown apps ka permission OFF kar de

Ye setting band karne se screen par baar-baar pop-up ads nahi aayenge.

Play Protect Se Mobile Scan Kare

Google Play Protect mobile ko harmful apps se bachata hai.

Scan Karne Ka Tarika:

1. Google Play Store open kare

2. Profile icon par click kare

3. Play Protect option open kare

4. Scan button dabaye

Agar koi harmful app mile to use turant uninstall kar de.

Browser Cache Clear Kare

Kabhi-kabhi browser cache aur cookies ki wajah se bhi ads aane lagte hain.

Cache Clear Kaise Kare:

1. Settings open kare

2. Apps me jaye

3. Chrome select kare

4. Storage option open kare

5. Clear Cache par click kare

Cache clear karne se browser fast bhi ho jata hai aur unwanted ads bhi kam ho jate hain.

Safe Mode Ka Use Kare

Agar samajh nahi aa raha ki ads kis app ki wajah se aa rahe hain to Safe Mode use kare.

Safe Mode Kaise ON Kare:

1. Power button press karke rakhe

2. “Power Off” option ko long press kare

3. Safe Mode option aa jayega

4. OK par click kare

Agar Safe Mode me ads nahi aate, to iska matlab kisi third-party app ki wajah se problem ho rahi hai.

Antivirus App Ka Use Kare

Aap trusted antivirus app bhi install kar sakte hain jo malware aur adware ko remove karta hai.

Popular antivirus apps:

• Avast Mobile Security

• AVG Antivirus

• Bitdefender

• Kaspersky

Dhyan rahe sirf trusted antivirus hi use kare.

Unknown APK Files Install Na Kare

Bahut log YouTube ya websites se APK download karte hain. Kai fake APK files mobile me virus aur ads le aati hain.

Hamesha apps ko sirf official sources se download kare:

• Google Play Store

Factory Reset Last Option Hai

Agar sab kuch try karne ke baad bhi ads band nahi ho rahe, to mobile reset karna last option ho सकता है.

Factory Reset Se Pehle:

• Photos aur important files ka backup le

• Gmail account yaad rakhe

Reset Ka Tarika:

1. Settings open kare

2. System option me jaye

3. Reset option select kare

4. Factory Data Reset par click kare

Reset ke baad mobile bilkul fresh ho jayega aur ads ki problem khatam ho sakti hai.

App Link –